Och beim Emma a beim Charel ass déi Zäit viru Chrëschtdag eng ganz besonnesch Zäit. Si freeën sech schonn sou laang drop, de Beemchen mat lauter flott Saachen ze rëschten.

D’Kanner kréien d’Geschicht eng éischte Kéier virgelies a sollen sech sou vill, wéi méiglech Detailer mierken. Dono gëtt de Lauschterwee virbereet, andeems d’Biller ausgeschnidden a prett geluecht ginn. D’Geschicht gëtt eng zweete Kéier virgelies an d’’Biller ginn an déi richteg Case geluecht. Wann d’Geschicht fäerdeg ass, gëtt kontrolléiert, ob d’’Biller richteg leien. Wann d’Reiefolleg korrekt ass, kënnen se gepäscht ginn.

Ween Loscht op weider Übunge ronderëm d’’Geschicht huet, fënnt nach eng ganz Rei aner passend Aarbechtsblieder:

* Lauschteren & d’Emma an de Charel faarweg molen

* Chrëschtbeemchen dekoréieren

* Chrëschtdagsbulle molen a gestalten

* Chrëschtbeemercher molen a gestalten

Ech wënschen iech vill Spaass domat !

Mat ganz léiwe Gréiss

give_them_wings