Material hau piraten jolasean oinarrituta dago. Jolasaren helburua itsasontzi bat egitea da, baina piezak solte daudenez, lehenik zati guztiak eskuratu behar dira. Partaide bakoitzak karta multzotik nahi adina karta hartzen ditu, gelditzea erabakitzen duenean hurrengo jokalariaren txanda izango delarik. Pirataren karta tokatuz gero, hiru karta erdira bota edo kanoiaren karta bota behar da, eta txanda galtzen da. Txanponen kartak, besteei itsasontziaren zatiak erosteko balio dute.

Jokalari bakoitzak, lehenbiziz tokatu zaion itsasontziaren koloreko itsasontzia egin behar du, ez du balio kolorea jokalariak hautatzea, zoriz esleitutakoa izango baita. 

Partida, jokalari batek itsasontzi osoa egitean amaituko da.