Gabonetako giro magikoan murgiltzeko eta matematika modu dibertigarrian lantzeko material ezin hobea duzu hau! Zure ikasle*ek erronka zirraragarriak gaindituko dituzte, Olentzerori eta Mari Domingiri lagunduz.

• 1. Erronka: Zuhaitza erosi eta apaindu. Hemen, ikasleek Gabonetako zuhaitzak prezioaren arabera ordenatuko dituzte, diru-aldaketak kalkulatuko dituzte eta Gabonetako argiak batuko dituzte. Zenbakiak alderatzeko eta batuketak egiteko aproposa!
• Gabonetako Problemak. Bi problema errealista aurkituko dituzte: fruta-denda bateko mahats-salmentak eta Olentzerok ireki beharreko gutunak. Batuketak eta kenketak praktikatzeko aukera paregabea.
• 2. Erronka: Galtzagorriak lagundu. Olentzeroren laguntzaileek arazoak dituzte! Ikasle*ek opariak zenbatu, astoaren janaria kalkulatu eta galletak batuko dituzte. Gainera, ezkutuko kode bat aurkitu beharko dute, problema bakoitzaren emaitzetatik abiatuta. Biderketak eta batuketak lantzeko eta pentsamendu logikoa garatzeko aproposa.
• 3. Erronka: Galtzagorriak ordenatu. Galtzagorriak altueraren arabera ordenatu nahi dute. Ikasle*ek altuenak eta baxuenak identifikatu, altueraren arabera ordenatu eta baldintza zehatzak betetzen dituztenak aukeratuko dituzte (astoan ibiltzeko edo tren txikian sartzeko). Zenbakiak alderatzeko eta ordenatzeko trebetasunak indartzeko bikaina.

• Oinarrizko eragiketa matematikoak (batuketa, kenketa, biderketa) modu praktikoan erabiltzen.
• Zenbakiak alderatzen eta ordenatzen (handienetik txikienera eta alderantziz).
• Diruarekin lotutako problemak ebazten eta aldaketak kalkulatzen.
• Problema-ebazpen estrategiak garatzen eta pentsamendu logikoa indartzen.
• Datuak interpretatzen eta informazioa modu eraginkorrean erabiltzen.